Atorfissaqartinneqarsinnaasut paasissutissat
Advokat suliviffeqarfiup paasissutissai bankimut tunngasut:
Grønlands Banken
Reg.nr.: 6471
Kontonr.: 0002264746
Eqqartuussissuserisup suliffeqarfia aningaasanik aamma nalilinnik paarsisuutitaaneq ajorpoq taamaattorlu sullitamut aningaasatigut konto-qartitsineq ajorluni.
Sulianik ingerlatsineq:
Sapinngisamik piaartumik email-ikkut nassiussat akiniarsarisarpakka. Piareersimaffigigiuk kalaallisut oqaasilimmik saaffiginninnerit utaqqinarnerusinnaammata.
Siullermik nassinneqaqqaarumaarputit inniminniinermut uppernarsaat aningaasartuutinut tunngasumik paasissutissalimmik, taava kingorna aatsaat akiligassaq eqqartuussissuserisutut sulininnut nassinneqassaatit.
Nalilersuisuaannarpunga illit periarfissarisannik taamatuttaarlu aarlerinarsinnaasut nalilerlugit. Paasitissuakkit, uanga naliliinera naapertorlugu, ilimanaateqarsinnaanersoq ajunngittumik ajornerusumilluunniit suliat inerneqassasoq. Illilli kisivit aaliangersinnaavat suliat ingerlanniarnerlugu. Naliliinera isumaqatiginngikkukku, imaluunniit alla eqqartuussissuserisoq isumaa tusarniarukku, paasiniaasinnaavutit imaluunniit periarfissaq ujartorsinnaavat allamik eqqartuussissuserisoqarnissat. Nammineq aaliangiisinnaatitaavutit kina eqqartuussissuserisoriniarnerlugu tassuunalu illit suliat kiap ingerlatissaneraa. Aammattaaq periarfissarivat eqqartuussinerup ingerlanerani eqqartuussissuserisut taarsernissaa.
Toqqammaviusumik pingaartitaraara suleqatigiinnitsinni, tatigineqassasoq suleriusera eqqartuussissuserisutut ilinnut. Taava apeqquserukku ilisimasaqassusera, imaluunniit suliap ingerlanerani periuusera apeqquserukku, pisinnaatitaaffiga attatissuara suliamik aninissannut, isumaqarama illit tatigisannik eqqartuussissuserisoqartariaqartutit.
Atuarsinnaavat eqqartuussissuserisorisinnaasatit pillugit naqqani.
Nipangersimasussaatitaaneq aamma ingerlatitseeqqusaannginneq:
Sulisut tamarmik suliffeqarfimmi advokatfirmaet Benedikte Dahl Nielsen ApS-mi ingerlatitseeqqittussaatitaanngillat allanut susassaqanngittunut, soorlu suliat imarisaanik qanorlu ittuussusaanik aammattaaq paasissutissanik ilinnut tunngasunik, aatsaat taannarpiaq paasissutissaq sammineqartoq isertuussaanngikkuni nipangersimasussaatitaaneq atuutissanngilaq.
Eqqartuussissuserisussamik nammineq taasisinnaatitaaneq::
Pisinnaatitaaffigaat eqqartuussissuserisumik sinniisoqarnissat. Qaqugukkulluunniit eqqartuussinerup ingerlanerani eqqartuussissuserisut taarsersinnaavat, apeqqutaanani kina eqqartuussissuserisoq sinniisorinerit. Pingaarnerpaavoq ingerlariuseq toqqissisimanarigit aammattaaq ikiuineq toqqissisimanarigit.
Kissaatigigukku eqqartuussissuserisoqassallutit Kalaallit Nunaani najugalimmik, taava takusinnaavatit nalunaarsugami uaniittumi: Advokater/Nunatsinni Advokatit
Kissaatigigukku eqqartuussissuserisoq Danmark-imi najugalik, taava takusinnaavatit nalunaarsugami uaniittumi: Advokatnøglen -allaffissaanut sunaanera allassuat "fritekst"-mi.