Bopæl, forældremyndighed og samvær

Eqqartuussissuserisoq ilinnut meeqqannullu eqqortoq toqqaruk

Suliani meeqqap ineqarneranut tunngasut, angajoqqaat oqartussaaneranut tunngasut aamma meeqqaminik tigumminngisaminik najorteqarsinnaatitaaneq, misigissutitigut unammillernartuusinnaapput ilinnut meeqqannullu. Ilaqutariinnut eqqartuussissuserisoq misilittagalik oqilisaataasinnaavoq isumannaarniarukku pisinnaatitaaffitit illersorneqarnissai.

Meeqqap pisariaqartitai qitiutillugit sulisinnaavunga naapiffeqarniarsaralunga illua-tungeriinnut. Anguniagamma ilagaa illit piumasatit anguniarlugit aammattaaq inerniliinerit aalajaatsut pilersinniarlugit, ilinnut meeqqannullu ingerlariaqqinnissarsi ajunngittumik siunertalimmik.

Sassaalliutigisinnaavara inatsisitigut ilisimasaqarluarnera aamma tapersersorneqarnissat, suliaq ingerlanera tamaat. Tusaaniarneqassaaq illit pisariaqartitatit, paasitinneqartuassaatit aamma toqqissisimanissat isumannaarniarneqassaaq.

Massakkut taava sussaanga?

Qimareerluta isumaqatigiippugut

Illit angajoqqaaqatillu isumaqatigiikkussi

Isumaqatigiikkussi ukua pillugit; meeqqat sumi najugaqartussaanerat, angajoqqaatut oqartussaaneq, najorteqarsinnaatitaaneq aammalu meeqqanut tapit, taava naalagaaffiup sinniisaa (rigsombuddet) attavigiinnarisiuk tassuunalu ikiortillusi.

Siunnersuutigissuara isumaqatigiissusiarsi allaganngorlugu sanassagissi. Taamaasiornermi angajoqqaatut inissisimanersi isumannaassavarsi, ilusilersukkasi isumannaarlugit aamma meeqqat naatsorsuutigilernikuusai isumannaarlugit.

Peqataatikkusuppinga?

Oqartussaniik akiliunneqarnissaq eqqartuussissuserisoqarnissamik maani periarfissaanngilaq. Eqqartuussissuserisumik ikiorteqarniaruit taamaasiornermi, taava nammineq akilissuat eqqartuussissuserisoq.

Qimareerluta isumaqatigiinngissuteqarpugut

Illit angajoqqaaqatillu meeqqasi pillugit isumaqatigiinngissuseqarussi, taava eqqartuussineq eqqartuussivimmi suliaq aallartinneqassaaq.

Sianerfigisinnaavarma periarfissatit pisinnaatitaafitillu paasiniaaffigalugit.

Siunnersuutit iluartut

Meeraq sumi najugaqartinneqarnera

Najugaqaqatigiikkunnaarussi imaluunniit avilerussi taava siunnersuutigissuara meeqqat najugaqarfissaa isumaqatigiissutigeqqaarlugu aatsaat najugarisaq (adresse) nuutsinneqassasoq.

Kingusinnerusukkut kissaatigilersimagukku meeqqat najugaqarfiat ilinnut nuutsinneqassasut, meeraqatillu isumaqataanani, taava eqqartuussivik ukua pingaartitarisarpai:

1) Meeqqat ingerlalluarnerat. Tamanna uppernarsineqartarpoq atuarfiup oqaaseqaatiliaanni, allagaqaasianik aamma allat oqartussat allakkatigut isummerneranni.

2) Meeqqat sumiiffigisami inissilluaqqanersut qanigineraalu, tamannalu sanilliullugu ilinnut nuukkaluarpata qanoq issanersut.

3) Meeqqat nammineq kissaataat (Meeqqat arfinernik ukioqalereersimasut oqaloqatigineqarsinnaalertarput – børnesamtale)

4) Angajoqqaatut piginnaanitit, perorsaalluarsinnaanerit.

Oqartussaniik akilerneqartumik suliat (fri proces)

Qinnuteqarsinnaavutit oqartussanik akilertinniarlugu eqqartuussissuserisoqarnerit eqqartuussinermi meeqqap sumi najugaqarnissaanut tunngasumik.

Angajoqqaatut oqartussaaneq

Inatsisit siullertut aallaavigivaat angajoqqaatut oqartussaaneq aveqqasoq angajoqqaajusuni. Taamaattumik angajoqqaatut oqartussaaqataaneq atorunnaarsinniarnera unamminarsinnaavoq.

Angajoqqaatut oqartussaaqataaneq atorunnaarsinneqarsinnaavoq suliani ukunani:

1) Nukersorsimanermi imaluunniit meeqqanut killissanik qaangiisimanermi

2) Angajoqqaaqataasoq perorsaasinnaannginnerani, ass. atornerluinermi, meeqqat atugarissaartinneqaratik salliunneqannginnerat il.il.-perorsaariaatsimut isumaqatigiissinnaanngikkussi, aamma ulluinnarni aaliangeeqatigeeriarnerit iluatsinngippata.

3) Angajoqqaaqatimik killissamik qaangiiffigitinneq, soorlu meeqqat najortigisussaallugit ilagitinngiinnartarnerni, malersuinermi il.il.

4) Politiit ilannguttariaqartarsimappata angajoqqaaqatip perorsaasinnaannginnerannik peqqutilimmik.

Oqartussaniik akilerneqartumik suliat (fri proces)

Qinnuteqarsinnaavutit eqqartuussinermi eqqartuussissuserisussaq oqartussaniik akilertinnissaa suliaq angajoqqaatut oqartussaanermut tunngasuni.

Inatsisit siullertut aallavigineranni angajoqqaatut oqartussaaqatigiinneq pillugu, peqqutissaasut qinnuteqarnermut immikkuullareqqissaartariaqarput oqartussaniik akilertinniaraanni inatsisileritooq eqqartuussissuseritinnissaa. Naalagaaffiup sinniisua (rigsombuddet) tapiissutissanik isumaginnittuupput qinnuteqarniaraanni Kalaallit Nunaanni.

Najortigisinnaaneq

Meeqqat pisinnaatitaaffeqarpoq angajoqqaani tamarmik najortigisinnaaneri. Pingaaruteqarpoq attatiinnassagit attaveqaqatigiinneq meeqqannut. Taamaasiunnginnermi ilisimaarinneqatigiinneq annikkillisarneqassammat.