Pinerlunnikkut aningaasarsianik malunnarunnaarsaaneq pillugu inatsisit (hvidvask)

Eqqartuussissuserisut suliffeqarfiit pisussaatitaapput eqqumaffigissallugit sullitatik suliaqarsinnaanerini pinerlunnikkut aningaasarsianik malunnarunnaarsaanersut imaluunniit peqqarniisaarniartunik aningaasaliinersut. Malittarisassat inatsisitigut allagaapput pinaveersaartitsinermi iliuusissiani pinerlunnikkut aningaasarsianik malunnarunnaarsaanermi aamma aningaasaliisartut peqqarniisaariniartunut tunngasumi (hvidvaskningsloven).

Hvidvaskningsloven aamma imarivaa:

1) Pisussaatitaaneq sullitaniik kinaassutsimut uppernarsaatinik isumannaarinermik

2) Ingerlatitseqqiisussaatitaaneq pasitsannermi pinerlunnikkut aningaasarsianik malunnarunnaarsaasoqarnermi imaluunniit pasitsakkaanni peqqarniisaariniat aningaasalersorneqarneri.

Tassuuna ilaapput:

Eqqartuussissuserisut eqqumaffigisassai sullissitillutik siunnersuinermi imaluunniit aningaasartuutsinik nuussinermi sullitamut tunngasumik soorlu pisinermi imaluunniit tunisermi piginnittuussusermik suliffeqarfinniluunniit, aningaasaqarnikkut isumaginninnermi, pappiliat nalilinni imaluunniit ammaanermi isumaginninnermiluunniit atuisumik kontonik imaluunniit pappiliat nalillit katitikkat, aqqutissiuussinermi aningaasaliinerni pisariaqartuni pilersitsiniarluni imaluunniit ingerlatsiniarluni suliffeqarfinni, imaluunniit pilersitsiniarluni ingerlatsitiniarluni imaluunnit aqutsiniarluni suliffeqarfimmik aningaasaateqarfimmiluunniit assigisaalu, imaluunniit sullitaq sinnerlugu tamannalu akiligaanik aningaasatigut akiliinermik nuussigaanni imaluunniit nuussigaanni pigisat naleqartut pillugit.

Pinerluttuliorluni aningaasatigut malunnarunnaarsaanermut inatsit pillugit:

Eqqartuussissuserisoq Advokatfirmaet Benedikte Dahl Nielsen ApS sullitai maluginerusarpaat inatsisit pillugit sunniut, tassalu allaffik piumassammagu sullitap pas-ia imaluunniit biilinik ingerlatsisinnaanermut allagartaa,sullitaq sullinneqalernerani.

Sullitaq suliffeqarfiuguni suliffeqarfiup nalunaarusiaa tiguniassavarput Ingerlatsivinnik aqutsisoqarfimminngaanniik (Erhvervsstyrelsen), soorluttaaq piumassagipput pas-eq imaluunniit biilinik ingerlatsisinnaanermut allagartap assia, suliffeqarfiup piginnittuianiik. Piginnittuiviit tassaapput inuit suliffeqarfimmi aqutsivittuusut imaluunniit piginnivittuusut. Piginnittaassutip annertussusaa naapertorlugu piginnittut, piginneqataassusaat 25 % imaluunniit tassannga anginerup.

Sullitaqaraanni timitigut naapeqatigisinnaanngisamik taava kinaassutsimut uppernarsarniarnermi inatsit qaffanneqartarput. Assitalimmik kinaassutsimik uppernarsaat kisimiitsillugu naammakkunnaartarpoq, taamaattumik sygesikringskort imaluunniit assigisaanik imaluunniit assigisaanik piumasaqartariaqarpoq Advokatfirmaet Benedikte Dahl Nielsen, uppernarsiniarlugu sullitap kinaassusaanik.

Paasissutissanik aallerneq siunertatuarivaa Advokatfirmaet Bendikte Dahl inatsisinik malinnittussaanera, pinerluttuliorluni aningaasatigut malunnarunnaarsaanermik inatsik malillugu. Advokatfirmaet Benedikte Dahl Nielsen pisussaatitaavoq sullitap kinaassusaanut uppernarsaatit paarissallugit ukiut tallimat sullitamut suleqatiginninneq qaangiunnerata kingorna.

Qaavatigut pinerluttuliornermi aningaasatigut malunnarunnaarsaanermi inatsiseq peqqussuteqarpoq Advokatfirmaet Benedikte Dahl Nielsen pisussaatissallugu eqqumaarinissaanik sullitat aningaasanik pinerluttuliorluni malunnarunnaarsaanersut imaluunniit peqataanersut aningaasaliillutik peqarniisaarnianut. Pasitsakkutta sullitarput pinerluttuliortoq aningaasaqarnikkut malunnarunnaarsaaniarsarisoq imaluunniit peqqarniisaarnianut aningaasaliiniartoq, taava pisussaatitaavugut ingerlatitseeqqissalluta Pinerluttuliorluni aningaasanik malunnarunnaarsaanermik Allaffeqarfimmut, Naalagaaffiup Unnerluussisuanut SØIK-mut (Særlig Økonomisk og International Kriminalitet).

Eqqartuussissuserisut oqartussaqarfia nakkutigisarivaat eqqartuussissuserisut inatsisinik malinninnissaat, inatsik pinerluttuliorluni aningaasatigut malunnarunnaarsaanermut toqqammavigalugu.

 

Advokatfirmaet Benedikte Dahl Nielsen ApS

Allaffik pingaarnertut suliarisai tassaapput eqqartuussissuserisoq eqqartuussivimmik qinigaanerminik suliat, tassanilu aningaasaqarnermik nuutsiterineq ingerlanneqarneq ajorluni.

Suliani taakkunani allaffik inatsimmi, pinerluttuliorluni aningaasatigut malunnarunnaarsaanermi, ilanngunneqanngilaq, pinerluttuliornermi suliat eqqaanngikkaanni.

Allaffik aningaasat pillugu inatsimmi ilaavoq, tassalu isumaqarluni aningaasat tigussaasunik akiliuteqartoqarsinnaanngilaq.

Allariikkat pillugit apeqqutissaqaruit attaviginnittuarsinnaavutit.