Pinerluttuliorsimasutut pasillerfigineqarpit?
Taava illersuisussamik pisariaqartitsissaatit
Pingaaruteqarpoq siunnersortinnissaq eqqartuussissuserisuminngaanniik pasillerfigitissimaguit inatsisinik unioqqutitsisutut, politiit oqaluutinnginnerani. Pisinnaatitaaffigaat illersuisoqarnissat aamma nammineq qinersinnaavat kinaassanersoq. Qaqugukkulluunniit eqqartuussissuserisut taarserniarlugu aaliangersinnaavutit suliap ingerlanerani.
Illit illersuisorigumma taava anguniassuara eqqartuussineq ingerlanerani paasissutissat tamakkiisumik sukumiisumillu iserfiginissai, taamatullu isumannaarlugu illit anninniakkatatit anngunneqarneri. Toqqammaviusumik pisinnaatitaaffitit eqqartuussinerup ingerlanera tamaat attanneqarnissai anguniagarisarpara.
Læs mere her
Imaaliussaanga
Illit illersuisorigumma taava politiiniik apersorneqaruit peqatigissuakkit, tigoorassuakka aamma misissuataassuakka suliami paasissutissat, aammattaaq eqqartuussineq illit sinnerlutit ingerlatissuara.
Unnerluussissuteq misissuataassuara, siunnersussuakkit inatsisitigut ajunnginnerpaamik ingerlariaqqinniassagavit aamma illersoriaatissamik periuusissiamik ilusilersuissullutit.
Suleqatigiinnitsinni pingaartitaraara nipangersimasussaatitaanera, tamannami tatigineqarnerani toqqissillutit annissuivigisinnaavarma paasissutissanik tamanik pisariaqartitatsinnik.
Sianerfigisinnaavarma pituttuinngitsumik oqaloqatigiissinnaavugut pisinnaatitaaffitit periarfissatillu pillugit.
Illersuisorilersinnaavarma imak
Kissaatigigukku illersuisorilissallunga politiinut paasititsiisinnaavutit, taakkualu attavigissavaanga. Aamma nammineq sianeriaannaavutit uannut (+299) 32 25 00-mut.
Eqqartuussinermi pisussat
Unnerluussisoq suliaq saqqummiutissuaat. Uanga nalunaarutigissuara qanoq illit isummersorsimanerlutit unnerluunneqarninnut.
Pisinnaatitaaffigivat oqaaseqannginnissat. Oqaaseqarniaruit nassuiaatitaasussaavutit. Unnerluusisoq apersussuaatit, taava uanga apeqqutinik ilanngussissaanga, aamma eqqartuussivik ersarissaassutissanik apeqquteqarsinnaavoq
Nassuiaareernerit kingorna uppernarsaasussanik apersuisoqassaaq. Uppernarsaasut immikkut oqaloreeraangata tamatigut tulleralugit periarfissaqartassaatit nassuiaatinnut ilanngussinissat, uppernarsaasup sammisai pillugit.
Unnerluussisut eqqartuussinermi uppernarsaatit saqqummiussavaat. Uppernarsaatit tassaasinnaapput allagaqaasiat, video, nakorsamiit oqaaseqaatit imaluunniit assigisai.
Suliaq pillugu paasititseereeriarussi, taava illit pillutit paasissutissat nassuiarsinnaanngussuatit. Paasissutissat ukununnga tunngasut; ilinniagaqarnerit, sulinerit, eqqarsartariaatsigut peqqissuuneq, ilaqutariinni pissutsit, siunissami takorluukkat, ineqarnerit aamma sunaasinnaanerpoq eqqartuussivimmut nassuiaataasinnaasoq illit illerpiaq kinaanerit pillugu.
Unnerluussisoq uangalu naggasiissaagut. Tamanna isumaqarpoq; naggataasumik oqaaseqassaagut sooq qanorlu eqqartuussineq qanoq inernilerneqartikkusunneripput. Unnerluussisoq naggasiissaaq inatsisit periuuserisariaatsillu toqqammavigalugit eqqartuunneqassasutit, aamma qanoq eqqartuunneqassasutit. Uanga naggasiinera toqqammavigissuara suna ilinnut ajunnginnerussanersoq, eqqartuussinermi uppernarsaatit atorlugit. Eqqartuussinermi periuusissara aallartinnginnitsinni nassuiaateriissuara ilinnut.
Maanna eqqartuussiivimmut naggataasumik oqaaseqarsinnaanngussaatit. Imaassinnaavoq eqqaasaqarusuttutit suli oqaatiginngisannik. Aamma pisinnaatitaaffigivat naggataasunik oqaaseqannginnissat.
Eqqartuussisut nalilersuissapput taavalu aaliangiillutik eqqaartuussineq inernissaanik.
Periarfissaqassaagut oqaloqatigiinnissamut, akueriniarnerit eqqartuunneqarnerit, kissaatiginiarnerlugu ullut 14-nik eqqarsaatiginissaa imaluunniit eqqartuussineq ingerlateqqinniarnerit (anke).
Unnerluussisut aamma periarfissaqarput eqqartuussineq ingerlateqqinnissaanut kissaateqarnissaanut.
Eqqartuussiviup iluani inatsisit
Eqqartuussisoq iseraangat nikuittarpugut, ingillutalu eqqartuussisup akuerigaangamiuk.
Oqalussinnaavutit akuerineqaruit nassuiaanissannut.
Torertumik ataqqinnittumilu oqaluttarpugut kinaluunniit oqaluukkaluarutsigu.
Nassuiaasut ataqqisarpagut akornusersuisaratalu nassuiaasoqartillugu.
Mobiilit nipaarutseqqassavat.
Ini eqqartuussiffiusoq qimassinnaavarput eqqartuussisoq akuerippagu.
Akigititat – akit
Illit eqqartuussaaninni oqartussaniik eqqartuussissuserisunngortitaassaanga.
Imak isumaqarpoq oqartussanik akilerneqartumik sullississaanga, eqqartuussivilli eqqartuukkunitit inatsisinik unioqqutitsisutut taavalu tassuuna aaliangerlugu eqqartuussinerup ingerlanerani aningaasartuutit akilissagitit, taava uanga sulinera aamma aningaasartuutsinut ilanngussaaq akiligassatut.
Unioqqutitsinerni sakkukinnerni pisinnaatitaaffeqanngilatit oqartussanik akilertissallugu eqqartuussissuserisoq, soorlu akiliisitsiniarnerni suliani.