Mari Benedikte Laursen
Inatsisilerituunngorniartoq

Inatsisilerituunngorniarnera atatillugu suliffeqarfimmi sulivunga. Qilanaarivaralu suliassat assigiinngittut misilittarnissai.

Inunngorpunga peroriartorlungalu Kalaallit Nunaani. Kalaallisut oqaatsit atugaraakka. Peroriartorninni nuukulanikuuvugut, taamaattoq illoqarfiit assigiinngittut najugaqarfiginikuullugit, soorlu; Aasiaat, Nanortalik, Qaqortoq, Sisimiut, Upernavik, Paamiut aamma Nuuk.

Suliffiginikuusakka pingaarnerit pingasuupput aallulluarnikuusakka uummateqarfigisakkalu. Tassaapput kilisanneq, politikkikkut suliaqarneq aamma inatsisilerineq.

Ukiut qulit ingerlanerani aalisariutit arlallit misilittarnikuuakka, sineriami qanittumi aamma 200 sm sinnerlugu ungasissusilinni. Tassani aamma angunikuuara umiarsuarni anginerni sumiissusersiortutut ilinniagaq, Suliami tassani iluarinikooqaara sakkortunera unammillernarneralu.

Misilittakkat politikikkut sulianni aamma ukiut qulit ingerlanerani piupput. Suliaqarnera pingaarnertut kajumissutsinnik suliaanikuullutik. Tassani suleqatigaakka partiit tamalaaniik partiit sinnerlugit sulisui. Suliffimmi tassani siammasissumik politikkikkut inissisimaneq ilikkarpara, periuutsit, peqatigiiffiit suleqatigineri aamma paasiniaatitsineq pisoqartitsinerlu.

Sianerfigisigut, kalaallisut oqaloqateqarnissarnut neqeroorfigaakkit.

+299 32 25 00